اسلام آباد(مانیٹرنگ ڈیسک)سوشل میڈیا پر ایک لیٹر وائرل ہو رہا ہے جس میں میانوالی سے ایک شخص اپنے آپ کو سیکنڈ وزیر اعظم قرار دیکر لیٹر کے ذریعے احکامات جاری کر رہا ہے ،لیٹر کا متن یہ ہے:یہ این اے 95کے ہمارے ذاتی لوگ ہیں ،یہ میرے اور وزیر اعظم عمران خان کے حلقے کے لوگ ہیں ۔ان کی کریشرز محکمہ ماحولیات میانوالی نے سیل کر دئیے ہیں ۔یہ کریش سی پیک کو سپلائی کر رہے ہیں ۔ان کی کریشرز کو کھول دیا جائے جو محکمہ کی ضروریات کو 20 دن کے اندر اندر

پوری کردیں گے تاکہ جو سپلائی سی پیک کو دی جارہی ہے وہ متاثر نہ ہو۔مہربانی کر کے ان کے مسئلے کو جلد ازجلد حل کیا جائے۔۔اس لیٹر سے متعلق دلچسپ بات یہ بھی ہے کہ اس شخص نے اپنا نام اور عہدہ’’احمد خان نیازی سیکنڈ وزیر اعظم‘‘ واضح طور پر لکھا ہوا ہے اور نیچے اپنے آپ کو این اے 95میانوالی سے وزیر اعظم کا کوآرڈی نیٹر ظاہر کیا ہے۔اب یہ شخص اس عہدے پرہے بھی یا نہیں ۔اس کے بارے میں تو معلوم نہ ہوسکا۔ لیکن سوشل میڈیا پر اس حوالے سے دلچسپ تبصرے کئے جارہے ہیں۔