کراچی (نیوز ڈیسک)مشیراطلاعات سندھ مرتضیٰ وہاب نے کہا ہے کہ پیپلزپارٹی سے بغض میں ایسے لوگوں کے نام بھی ای سی ایل میں ڈالے گئے جو انتقال کرچکے ہیں۔سندھ اسمبلی کے باہر میڈیا سے گفتگو کرتے ہوئے مرتضیٰ وہاب نے کہاکہ ہم سمجھ رہے تھے کہ سندھ کو اس کے حصے کا پانی دیا جائے گا، مگر وفاقی حکومت نے سندھ میں گیس کا بحران بھی پیدا کردیا۔مرتضیٰ وہاب نے کہا کہ سندھ کی حکومت
زمین پر ہے ہمیں عوام کے مسائل کا پتہ ہے کسی پورٹل کی ضرورت نہیں، وفاقی حکومت محلاتی سازشیں چھوڑ دے ، آئین اور قانون کے مطابق کردار ادا کرے۔انہوں نے کہا کہ پیپلزپارٹی کے بغض میں ان لوگوں نے ایسے افراد کے نام ای سی ایل میں ڈالے جو زندہ ہی نہیں ، سندھ کی حکومت زمین پر ہے ہمیں عوام کے مسائل کا پتا ہے کسی پورٹل کی ضرورت نہیں ٗسندھ کے عوام کو پیپلزپارٹی کو ووٹ دینے کی سزا نہ دی جائے۔
