اسلام آباد (مانیٹرنگ  ڈیسک) نواز شریف نے نقل مار کر بی اے پاس کیا، تحریک انصاف کے رہنما اعجاز چوہدری نے حیران کن دعویٰ کر دیا۔ تفصیلات کے مطابق نجی ٹی وی پروگرام میں گفتگو کرتے ہوئے ن لیگ کے رہنما اور سابق گورنر سندھ محمد زبیر نے موجودہ گورنر سندھ عمران اسماعیل کو آڑے ہاتھوں لیتے ہوئے شدید تنقید کا نشانہ بنایا ان کا کہنا تھا کہ گورنر سندھ ایف اے پاس ہیں اور ایک ایف پاس شخص پورے سندھ کو چلائے گا میرے خیال سے اس سے زیادہ شرمناک بات نہیں ہو سکتی۔جو بیڑہ غرق

دیگر پاکستان میں ہو رہا ہے وہ اب یہاں بھی ہو گا۔سندھ میں جو کچھ کیا جارہا ہے وہ قابل قبول نہیں ہے۔سابق گورنر سندھ کی اس بات پر تحریک انصاف کے رہنما اعجاز چوہدری نے جواب دیتے ہوئے کہا کہ محمد زبیر سے یہ توقع نہیں کررہا تھا کہ وہ عمران اسماعیل کے بارے میں اس قسم کی رائے رکھیں گے لیکن انہیں یہ بھی معلوم ہونا چاہئے کہ پاکستان کا تین بار وزیراعظم رہنے والا شخص بی اے میں نقل مار کر پاس ہوا۔ ان کا اشارہ نواز شریف کی جانب تھا۔ انہوں نے مزید کہا کہ  میں جانتا ہوں کہ وہ کس طرح سے پاس ہوئے۔