سیﺅل (نیوز ڈیسک) پاکستان اور جنوبی کوریا کی ہاکی ٹیموں کے مابین چار ٹیسٹ میچز کی سیریز کا دوسرا میچ (کل) جمعہ کو کھیلا جائے گا۔ جنوبی کوریا نے چار میچوں کی سیریز کے پہلے میچ میں پاکستان کو یکطرفہ مقابلے کے بعد 4-0 سے شکست دیکر سیریز میں 1-0 کی برتری حاصل کر رکھی ہے۔ دونوں ٹیموں کے درمیان سیریز کا دوسرا میچ 3-3 گول سے برابری پر ختم ہوگیا تھا۔ قومی ہاکی ٹیم محمد عمران کی قیادت میں میدان میں اترے گی جبکہ دیگر کھلاڑیوں میں عمران بٹ، محمد عرفان، تصور عباس، زوہیب اشرف، محمد رضوان جونیئر، محمد توثیق، احمد شکیل بٹ، فیصل قادر، محمد وقاص شریف، ارسلان قادر، شفقت رسول، محمد عمر بھٹہ، محمد دلبر، علی شان، مظہر عباس، محمد کاشف علی اور نواز اشفاق شامل ہیں۔ واضح رہے کہ سیریز کا چوتھا اور آخری میچ 23 مئی کو کھیلا جائے گا۔ قومی ٹیم سیریز کھیلنے کے بعد 25 مئی کو وطن واپس لوٹے گی۔