اسلام آباد(مانیٹرنگ ڈیسک) کراچی میں ٹارگٹ کلنگ کی تازہ لہر، پی ایس پی کارکنان اور علی رضا عابدی کے بعد لائنز ایریا میں نامعلوم افراد نے فائرنگ کر کے مہاجر قومی موومنٹ کے کارکن کو قتل کر دیا۔ تفصیلات کے مطابق کراچی میں ٹارگٹ کلنگ کی تازہ لہر نے ایک اور جان لے لی ہے اور اس بار نامعلوم ملزمان نے لائنز ایریا میں فائرنگ کر کے

مہاجر قومی موومنٹ کے کارکن کو قتل کر دیا ہے۔ پولیس کے مطابق واقعہ رات گئے اس وقت پیش آیا جب 30سالہ حماد لائنز ایریا میں واقع اپنے گھر کے باہر بیٹھا ہوا تھا۔ مقتول مہاجر قومی موومنٹ کا کارکن اور کے ڈی اے کا ملازم تھا۔ جائے وقوعہ سے 9ایم ایم پسٹل کے 9خول برآمد ہوئے جنہیں پولیس نے تحویل میں لیکرفرانزک ٹیسٹ کیلئے بھجوا دیا ہے۔