اسلام آباد(آئی این پی )پاکستان پیپلزپارٹی کے رہنما سعید غنی نے کہا ہے کہ اگر جے آئی ٹی رپورٹ صداقت پر مبنی ہوتی تو ریلو کٹے وزراء نیب اور ایف آئی اے کے طبلچی نہ بنے ہوتے۔ عمران خان کے ٹوئٹر پر ردعمل کا اظہار کرتے ہوئے سعید غنی نے کہا کہ عمران خان اپنی ہمشیرہ علیمہ خان کی جائیداد کے بارے میں بھی وضاحت کریں۔غریب اور نادار لوگوں
کے لئے ملنے والے چندے میں خردبرد کرکے بنی گالہ محل اور بیرون ملک جائیداد بنانا انتہائی شرمناک ہے۔ سعید غنی نے کہا کہ شوکت خانم ٹرسٹ کی فرانزک آڈٹ ہوئی تو عمران خان کے چہرے سے نقاب اتر جائے گا۔ سعید غنی نے کہا کہ نیب اور ایف آئی اے علیمہ خان کی چوری چھپانے کی ناکام کوشش کر رہے ہیں مگر چندہ چور خاندان کو حساب دینا پڑے گا۔
