اسلام آباد(مانیٹرنگ ڈیسک)حکومت کی ’ناں ، ہاں‘میں بدل گئی، سپیکر قومی اسمبلی اسد قیصر نے خواجہ سعد رفیق کے پروڈکشن آرڈر جاری کر دئیے۔ تفصیلات کے مطابق پیراگون ہائوسنگ سکینڈل میں نیب کے ہاتھوں گرفتار ہونیوالے سابق وفاقی وزیر ریلوے اور ن لیگ کے رہنما خواجہ سعد رفیق کے پروڈکشن آرڈر جاری کر دئیے گئے۔ سپیکر قومی اسمبلی اسد قیصر نے اسمبلی کے موجودہ سیشن کیلئے خواجہ سعد رفیق کے پروڈکشن آرڈر جاری
کئے ہیں۔ واضح رہے کہ خواجہ سعد رفیق کی گرفتاری کے بعد اسمبلی اجلاس شروع ہونے پر ن لیگ سمیت اپوزیشن کی تمام جماعتوں سمیت حکومتی اتحاد بی این پی مینگل کے سربراہ اختر مینگل نے بھی اسمبلی میں اپنی تقریر میں خواجہ سعد رفیق کے پروڈکشن آرڈر جاری کئے جانے کا مطالبہ کیا تھا۔ خواجہ سعد رفیق کے پروڈکشن آرڈر کے حوالے سے سپیکر قومی اسمبلی اسد قیصر اس سے قبل کہہ چکے تھے وہ اس حوالے سے قانونی رائے اور مشاورت کر رہے ہیں۔
