اسلام آباد (آن لائن)وزیر اعظم عمران خان نے پارلیمنٹ ہاؤس میں صحافی پر تشدد کے واقع کا نوٹس لیتے ہوئے کہا ہے کہ صحافیوں پر تشدد کسی صورت قبول نہیں اور حکومت ہر صورت میڈیا ورکرز کا تحفظ یقینی بنائے گی۔تفصیلات کے مطابق منگل کے روز وزیراعظم عمران خان نے پارلیمنٹ ہاؤس میں سابق وزیراعظم نواز شریف
کے گارڈز کے جانب سے صحافی پر تشدد کے واقعے کا نوٹس لیتے ہوئے وزیر مملکت برائے داخلہ شیریار آفریدی اور معاون خصوصی افتخار دورانی کو معاملات فوری طور پر دیکھنے کے ہدایت کرتے ہوئے کہا ہے کہ صحافیوں پر تشدد کسی صورت قبول نہیں کریں گے اور حکومت میڈیا ورکرز ہر حال میں تحفظ یقینی بنائے گی۔
