اسلام آباد (نیوزڈیسک ) ٹی وی کیمرا مین واجد علی شاہ پر تشدد کرنے والے سابق وزیر اعظم نواز شریف کے 2 سیکیورٹی گارڈز کو 14 روزہ جوڈیشل ریمانڈ پر اڈیالہ جیل بھیج دیا گیا ۔ منگل کو سما ٹی وی کے کیمرا مین واجد علی شاہ پر تشدد کرنے والے نواز شریف کے 2 گارڈز محسن اور منصف کو جوڈیشل مجسٹریٹ ثاقب جواد کی
عدالت میں پیش کیا گیا۔تاہم، نواز شریف کے سیکیورٹی انچارج شکور کو ابھی تک پولیس نے گرفتار نہیں کیا ہے۔عدالت نے دو گرفتار گارڈز کو 14 روزہ جوڈیشل ریمانڈ پر اڈیالہ جیل بھیج دیا۔دوسری جانب شکور کی ضمانت قبل ازوقت گرفتاری جب کہ محسن اور منصف کی ضمانت بعد از گرفتاری کی درخواستیں بھی دائر کر دی گئی ہیں۔
