پرتھ(نیوزڈیسک)کرکٹ کی تاریخ کا افسوسناک ترین دن، آسٹریلیاسے شکست دیکھ کر بھارتی کھلاڑی ایشانت شرما اور رویندرجدیجہ میچ کے دوران گراؤنڈ پر ہی لڑ پڑے،بھارت کا مذاق بن گیا، تفصیلات کے مطابق آسٹریلیا اور بھارت کے درمیان پرتھ ٹیسٹ کے دوران شکست کو سامنے دیکھ کر بھارتی کھلاڑیوں کے ہوش ہی اُڑ گئے ، میچ کے دوران افسوسناک ترین لمحہ دیکھنے میں تب آیا جب بھارتی کھلاڑی ایشانت شرما اور رویندر جدیجہ گراؤنڈ میں ہی آپس میں لڑ پڑے اور لائیو ٹیلی کاسٹ ہونے والے میچ میں پوری دنیا نے دونوں کھلاڑیوں
کی لڑائی کا تماشا دیکھا، دونوں کھلاڑی ایک دوسرے کو انگلیاں دکھادکھاکردھمکاتے رہے ، جس کو دیکھ کر آسٹریلیا کے کھلاڑی بھی حیرت زدہ رہ گئے ،بات جب حد سے زیادہ بڑھ گئی تو بھارتی کھلاڑی کلدیپ یادیو اور محمد شامی کو ڈرنکس کا بہانہ کرکے گراؤنڈ میں آنا پڑ گیا اور انہوں نے آکر دونوں کو الگ کیا،ایشانت شرما اور جدیجہ کی گراؤنڈ میں لڑائی کے بعدپوری دنیا میں بھارتی کھلاڑیوں کا مذاق بن گیا ہے اور شدید تنقید کاسلسلہ جاری ہے، توقع کی جارہی ہے کہ بھارتی بورڈ دونو ں کھلاڑیوں کے خلاف سخت ایکشن لے گا۔
