اسلام آباد (این این آئی)قومی ٹیم برٹش جونیئر سکوائش چمپئن شپ میں شرکت کے لئے (آج) منگل کو برطانیہ روانہ ہوگی۔ پاکستان سکوائش فیڈریشن کے گیم ڈویلپمنٹ آفیسر عامر اقبال کے مطابق برٹش جونیئر سکوائش چمپئن شپ 2 سے 6 جنوری 2019ء تک برطانیہ کے شہر

برمنگھم میں کھیلی جائے گی جس میں عباس زیب انڈر 19-، حارث قاسم، فرحان ہاشمی اور اسد اللہ خان انڈر17-، محمد حمزہ خان، نور زمان اور محمد اشہب عرفان انڈر15- جبکہ انس علی شاہ اور حمام احمد انڈر13- کیٹیگری کے مقابلوں میں اپنی صلاحیتوں کے جوہر دکھائیں گے۔