لاہور (نیوز ڈیسک) لاہور کے حلقہ پی پی 168 میں جمعرات کو ضمنی انتخاب ہو گا، اس حلقے میں پنجاب حکومت نے چھٹی کا اعلان کر دیا ہے، اس حلقے میں پاکستان مسلم لیگ (ن) کے رانا خالد اور تحریک انصاف کے اسد کھوکھر کے درمیان کانٹے دار مقابلے کی توقع کی جا رہی ہے، الیکشن کمیشن نے تمام

تیاریاں مکمل کر لی ہیں۔ واضح رہے کہ اس حلقے میں تحریک انصاف اور ن لیگ کے امیدواروں سمیت گیارہ سیاسی رہنماؤں کے درمیان مقابلہ ہوگا۔ اس حلقے سے پاکستان مسلم لیگ (ن) کے خواجہ سعد رفیق نے فتح حاصل کی تھی لیکن انہوں نے یہ صوبائی سیٹ چھوڑ دی تھی جس پر اب ضمنی انتخاب ہونے جا رہے ہیں۔