سیالکوٹ(نیوزڈیسک)پاکستان آنا 4چینی باشندوں کی خوش نصیبی کا باعث بن گیا،معروف مذہبی شخصیت کے ہاتھوں اسلام قبول کرکے اپنے نئے اسلامی نام رکھ لئے، تفصیلات کے مطابق پاک چین اقتصادی راہداری منصوبے پر جیسے جیسے عملدرآمد میں تیزی آرہی ہے بڑی تعداد میں چینی باشندے پاکستان کارُخ کررہے ہیں ایسے ہی چار چینی باشندوں کے لئے پاکستان کا دورہ خوش نصیبی کا باعث
بن گیا، پاکستان کے دورے کے دوران چاروں چینی باشندوں نے اسلام کی حقانیت سے متاثر ہوکر اسلام قبول کرنے کا فیصلہ کرلیا اور کلمہ طیبہ پڑھ کر معروف مذہبی شخصیت اور سابق وزیر اوقات آزاد کشمیر صاحبزادہ حامد رضا کے ہاتھوں جامع حنیفہ دو دروازہ میں اسلام قبول کرلیا، چاروں چینی باشندوں نے اپنے نئے اسلامی نام بالترتیب محمد ابوبکر، محمد عثمان، محمد عمر اور محمد علی رکھے۔
