ممبئی(این این آئی) ویمنز ورلڈ ٹی 20 میں انگلینڈ کے خلاف سیمی فائنل میچ میں متھالی راج کو نہ کھلانے کا تنازع شدت اختیار کرگیا۔بھارتی کرکٹ بورڈ کی کمیٹی آف ایڈمنسٹریٹرز نے معاملے کا نوٹس لیتے ہوئے ایونٹ کے دوران سابق کپتان کی فٹنس رپورٹ طلب کرلی، سیمی فائنل سے قبل ہونے

والی سلیکشن میٹنگ کی تفصیلات لیک ہونے پر بھی وضاحت مانگ لی گئی۔پیر کو ٹیم کے کوچ رامیش پوار، منیجر تروپتی بھاٹاچاریا اور بورڈ کے چیف ایگزیکٹیو راہول جوہری کمیٹی آف ایڈمنسٹریٹرز کو رپورٹ دیں گے۔ یاد رہے کہ اس مقابلے میں بھارت کو شکست کا منہ دیکھنا پڑا تھا۔