اسلام آباد(نیوز ڈیسک) سانحہ نلتر میں زخمی ہونے والے انڈونیشیا کے سفیر برہان محمد انتقال کرگئے۔ نجی ٹی وی کے مطابق انڈونیشیا کے سفیر برہان محمد سانحہ نلترمیں زخمی ہوئے تھے، حادثے کے باعث ان کے جسم کا 70 فیصد حصہ جھلس گیا تھا، وہ سنگاپور کے ہسپتال میں زیرعلاج تھے جہاں وہ زخموں کی تاب نہ لاتے ہو ئے جہان فانی سے کوچ کرگئے۔وزیراعظم نوازشریف کا انڈونیشیا کے سفیر برہان محمد کے انتقال پرافسوس کااظہار کرتے ہوئے مرحوم کے ایصال ثواب اورلواحقین کےلیے صبرکی دعا کی، ان کا کہنا تھا کہ مرحوم نے پاکستان اور انڈونیشا کے درمیان باہمی تعلقات کے فروغ کے لئے گراں قدر خدمات انجام دیں جو ہمیشہ یاد رکھی جائیں گی ۔واضح رہے کہ سانحہ نلتر میں انڈونیشا کے سفیر کی اہلیہ بھی جاں بحق ہوگئی تھیں۔