لندن (نیوزڈیسک)انگلینڈ اور آسٹریلیا کی کرکٹ ٹیموں کے درمیان دو ٹیسٹ میچز کی سیریز کا پہلا ٹیسٹ 21 مئی سے لارڈز، لندن میں شروع ہوگا۔ تفصیلات کے مطابق نیوزی لینڈ کی کرکٹ ٹیم ان دنوں دورہ انگلینڈ پر ہے جہاں وہ میزبان ٹیم کے خلاف دو ٹیسٹ، پانچ ون ڈے اور ایک ٹی 20 میچ کھیلے گی۔ ٹیسٹ سیریز سے قبل کیوی ٹیم نے ووسٹر شائر اور سمر سیٹ سے ٹور میچز جیت کر انگلینڈ کےلئے خطرے کی گھنٹی بجا دی ہے۔ انگلینڈ اور نیوزی لینڈ کے درمیان سیریز کا پہلا ٹیسٹ 21 سے 25 مئی تک لارڈز لندن میں کھیلا جائے گا۔ انگلش ٹیم الیسٹر کک کی قیادت میں میدان میں اترے گی ¾ نیوزی لینڈ کی کپتانی کے فرائض بی جے واٹلنگ انجام دیں گے۔ سیریز کادوسرا اور آخری ٹیسٹ 29 مئی سے 2 جون تک لیڈز میں کھیلا جائے گا۔ دونوں ٹیموں کے درمیان پانچ ون ڈے میچوں کی سیریز کا پہلا میچ 9 جون کو برمنگھم، دوسرا ون ڈے 12 جون کو لندن، تیسرا ون ڈے 14 جون کو ساﺅتھمپٹن، چوتھا ون ڈے 17 جون کو نوٹنگھم جبکہ پانچواں اور آخری ون ڈے 20 جون کو چیسٹر لی سٹریٹ میں کھیلا جائے گا۔ دورے میں شامل واحد ٹی 20 میچ 23 جون کو مانچسٹر میں کھیلا جائےگا۔