اسلام آباد (این این آئی) وفاقی دارالحکومت اسلام آباد کے نیو انٹرنیشنل ایئرپورٹ پر ایف آئی اے نے کارروائی کر کے دو افغان شہریوں کو گرفتار کر لیا۔میڈیا رپورٹ کے مطابق اسلام آباد انٹرنیشنل ایئرپورٹ پر ایف آئی اے نے کارروائی کرتے ہوئے نجی ایئر لائن کی بیجنگ جانیوالی پرواز سے
دو افغان شہریت کے حامل مسافر آف لوڈ کردیئے۔ایف آئی اے حکام کے مطابق دونوں مسافر بیجنگ کے راستے کینیڈا جارہے تھے۔کاغذات کی جانچ پڑتال پر کینیڈا کا ویزا جعلی پایا گیا تھا۔ جس کے بعد ملزمان کو مزید تفتیش کیلئے ایف آئی اے انسداد انسانی اسمگلنگ سیل منتقل کردیا گیا۔
