ٹوکیو (سپورٹس ڈیسک)پاکستانی ٹینس سٹار اعصام الحق قریشی کو جاپان اوپن ٹینس ٹورنامنٹ مینز ڈبلز کے پہلے راؤنڈ میں شکست کا سامنا کر نا پڑا جس کے بعد وہ ایونٹ سے باہر ہوگئے۔ میڈیا رپورٹ کے مطابق جاپان میں جاری ٹینس ایونٹ میں کھیلے گئے مینز ڈبلز کے پہلے راؤنڈ میں پاکستانی سٹار اعصام الحق قریشی اور ان کے

روسی جوڑی دار ڈینیئل کا مقابلہ روبن ہاس اور مٹوے مڈل کلوپ پر مشتمل ہالینڈ کی جوڑی سے تھا جس میں ہالینڈ کی جوڑی نے شاندار کارکردگی کا مظاہرہ کرتے ہوئے کامیابی حاصل کی۔ ہالینڈ کی جوڑی نے پاکستان کے اعصام اور ان کے روسی جوڑی دار ڈینیئل کو سٹریٹ سیٹس میں شکست دی۔ ان کی کامیابی کا سکور 6-4 اور 6-3 تھا۔