اسلام آباد(سپورٹس ڈیسک)اساس انٹرنیشنل سکول کے زیراہتمام اور اسلام آباد فٹ بال ایسوسی ایشن کے تعاون سے کومیکو فٹ سال چمپئن شپ 12 اکتوبر سے پاکستان سپورٹس کمپلیکس، اسلام آباد میں شروع ہوگی، ٹورنامنٹ سیکرٹری حفصہ ارشد نے بتایاکہ چمپئن شپ کی تیاریاں زور و شور پر ہیں اور مرد کی 32 اور خواتین کی 8 ٹیمیں حصہ لیں گی، چمپئن شپ ناک آؤٹ سسٹم پر اسلام آباد فٹ بال
ایسوسی ایشن کے قوانین کے مطابق کھیلی جائے گی، انہوں نے کہاکہ چمپئن شپ میں شرکت کرنے والی ٹیموں کے عہدیداروں کا اجلاس 7 اکتوبر کو ہوگا جس میں چمپئن شپ کے قوانین کے بارے میں آگاہ اور ڈراز کا اعلان کیا جائے گا، چمپئن شپ میں 14 اکتوبر تک جاری رہے گی اور چمپئن شپ میں کامیابی حاصل کرنے والے کھلاڑیوں میں ٹرافیاں، اسناد اور نقد انعامی رقم بھی تقسیم کی جائیں گی۔
