ڈھاکہ(سپورٹس ڈیسک) پاکستان ویمن کرکٹ ٹیم جویریہ خان کی قیادت میں بنگلا دیش پہنچ گئی ۔بنگلا دیش روانہ ہونے والی 15 رکنی قومی ویمن کرکٹ ٹیم براستہ دبئی ڈھاکہ پہنچی جہاں وہ یکم سے8 اکتوبر تک بنگلا دیش کے خلاف سیریز میں 4 ٹی ٹونٹی اور ایک ون ڈے میچ کھیلے گی۔اس کے بعد پاکستان ٹیم بنگلا دیش

سے ملائیشیا روانہ ہو جائے گی جہاں وہ کوالالمپور میں آسٹریلیا ویمن ٹیم کی میزبانی بھی کرے گی۔پاکستان ویمن ٹیم 18 اکتوبر سے29 اکتوبر تک آسٹریلیا کے خلاف سیریز کھیلے گی جس میں 3 ون ڈے اور 3 ٹی ٹونٹی شامل ہیں۔سیریز کے بعد پاکستان اور آسٹریلیا کی ٹیمیں ٹی ٹونٹی ورلڈ کپ کے لئے ویسٹ انڈیز روانہ ہوجائیں گی۔