اسلام آباد(مانیٹرنگ ڈیسک)گزشتہ روز سپر فور کے اہم میچ میں بنگلہ دیش نے پاکستان کو ہرا کر ایشیا کپ کے فائنل کیلئے کوالیفائی کرلیا۔جہاں اس کا مقابلہ کل بھارت سے ہوگا۔پاکستانی ٹیم کی شرمناک شکست پر عوام میں بھی غم و غصہ پایا جاتا ہے ۔اسی تناظر میں امریکہ میں مقیم پاکستانیوں نے ڈیم فنڈ میں عطیات دینے کے لیے کوچ مکی آرتھر اور چیف سلیکٹر
انضام الحق کے استعفے کی شرط رکھ دی۔تفصیلات کے مطابق امریکہ میں مقیم پاکستان کرکٹ ٹیم کی بدترین کارکردگی کے ستائے ہوئے پاکستانیوں نے ڈیم فنڈ مییں عطیات دینے کے لیے انوکھی شرط رکھ دی ہے۔انکا کہنا تھا کہ اگر چیف سلیکٹر انضمام الحق اور کوچ مکی آرتھر پاکستان کرکٹ ٹیم کی جان چھوڑ دیں تو ہم ایک سال کی تنخواہ ڈیم فنڈ میں عطیہ کرنے کیلئے تیار ہیں۔
