ڈربن(سپورٹس ڈیسک)جنوبی افریقہ نے پاکستان کے خلاف ہوم سیریز کے شیڈول کااعلان کردیاہے۔ قومی ٹیم دورے میں تین ٹیسٹ، پانچ ون ڈے اور تین ٹی ٹوئنٹی میچز کھیلے گی۔ دورے کا آغاز انیس دسمبر سے تین روزہ وارم اپ میچ سے ہوگا۔کرکٹ جنوبی افریقہ نے پاکستان کیخلاف ہوم سیریز کے شیڈول کااعلان کر دیا۔قومی ٹیم دورہ جنوبی افریقہ میں تین ٹیسٹ، پانچ ون ڈے اورتین ٹی ٹوئنٹی انٹرنیشنل کھیلے گی۔ دورے کا آغاز انیس دسمبر سے تین روزہ وارم اپ میچ سے ہوگا۔ سیریز کا پہلا ٹیسٹ باکسنگ ڈے چھبیس دسمبر سے سنچورین میں شروع ہوگا۔ تین
جنوری سے دوسرا ٹیسٹ کیپ ٹاون میں کھیلا جائے گا۔ تیسرا ٹیسٹ جوہانسبرگ میں گیارہ جنوری سے شیڈول ہے۔پہلاڈے نائٹ ون ڈے پورٹ ایلزبیتھ میں انیس جنوری کو ہوگا۔ بائیس جنوری کو ڈربن میں دونوں ٹیمیں دوسرے ون ڈے کیلیے ٹکرائیں گی۔ پچیس جنوری کو سنچورین میں تیسرا ون ڈے کھیلا جائے گا۔ستائیس جنوری کو چوتھا میچ جوہانسبرگ میں ہوگا۔ سیریز کا پانچواں اور آخری ون ڈے تیس جنوری کو سنچورین میں شیڈول ہے۔ ٹی ٹوئنٹی سیریز یکم فروری کو سنچورین میں شروع ہوگی۔ دوسرا ٹی ٹوئنٹی تین فروری کو جوہانسبرگ اور دورے کا آخری ٹی ٹوئنٹی چھ فروری کو سنچورین میں کھیلاجائے گا۔
