اسلام آباد(مانیٹرنگ ڈیسک)شعیب اختر نے پاکستانی کرکٹ ٹیم سے متعلق غیر مہذب الفاظ استعمال کرنے پر بھارتی خاتون اینکر کی کلاس لے ڈالی۔ تفصیلات کے مطابق پاک بھارت کے حوالے سے بھارتی نجی ٹی وی پروگرام میں شعیب اختر کو بھی مدعو کیا گیا تھا جو کہ بذریعہ ویڈیو لنک پروگرام میں شریک تھے۔ ایسے میں بھارتی خاتون اینکر نے شعیب اختر سے پاکستانی کرکٹ ٹیم کے متعلق غیر مہذب الفاظ استعمال کرتے ہوئے سوال کیا تو شعیب اختر نے خاتون اینکر کی کلاس لے ڈالی۔ شعیب اختر کا کہنا تھا کہ خاتون مجھے آپ

کا نام معلوم نہیں اور میں آپ کی بہت عزت کرتا ہوں مگر آپ یہ جس قسم کے الفاظ استعمال کررہی ہیں کہ دھلائی کر دی ، پٹائی کر دی برائے مہربانی اس سے پرہیز کریں، میں کرکٹر ہوں ، آپ مجھے سے کرکٹ سے متعلق سوال کریں میں جواب دوں گا اور بات کرنے سے پہلے یہ دیکھ لیں کہ آپ کس سے بات کر رہی ہیں، آپ نے کیا مجھے ہریانہ کا کوئی کرکٹر سمجھ رکھا ہے جس سے اس قسم کے الفاظ استعمال کر کے بات کر رہی ہیں۔ شعیب اختر کی اس بات پر پروگرام میں شریک بھارتی کرکٹر گوتم گھمبیرمسکرانے لگ گئے۔