دوحہ(آئی ا ین پی)ایشین اسنوکر چیمپئن شپ کے فائنل میں پاکستان نے بھارت کو ہراکر ٹائٹل جیت لیا۔ فاتح کھلاڑیوں محمد آصف اور بابر مسیح نے جیت کو قوم کی دعاں کا نتیجہ قرار دے دیا۔قطر کے شہر دوحہ میں ایشین اسنوکر چیمپئن شپ کے لیئے 14 ممالک کے کھلاڑیوں نے حصہ لیا۔ ٹیم ایونٹ میں پاکستان کے چار کھلاڑیوں پر مشتمل دو ٹیموں نے شرکت کی۔
سابق عالمی چیمپئن محمد آصف اور بابر مسیح پر مشتمل ٹیم ون نے فائنل تک رسائی حاصل کی۔ دونوں کھلاڑیوں نے کمال مہارت سے کھیلتے ہوئے بھارت کو دو کے مقابلے میں تین فریمز سے شکست دے دی۔ایشین اسنوکر چیمپئن شپ جیتنے کے بعد اب پاکستانی کھلاڑیوں کا ہدف ایشین سکس ریڈ ایونٹ میں کامیابی ہے جس کا آغاز دوحہ میں ہوچکا ہے۔
