اسلام آباد( آن لائن )پاکستان کے سٹار کھلاڑی شاہد آفریدی نے کہا کہ پاکستان کو میچ جیتنے کے لئے 300رنز کرنا ہونگے۔ دونوں ٹیموں میں انیس بیس کا فرق ہے۔ دونوں ٹیمیں یو اے ای میں کھیل چکی ہیں۔ گزشتہ روز پاک بھارت میچ پر تبصرہ کرتے ہوئے شاہد آفریدی نے کہا کہ ویرات کوہلی کی جگہ کوئی نہیں لے سکتا۔ ویرات کوہلی بھارتی ٹیم کی ریڑھ کی ہڈی ہیں کوہلی کا بھارتی ٹیم میں نہ ہونا پاکستان کے لئے اچھا ہے۔ جو ٹیم میں پریشر کو ہینڈل کر لے گی وہی میچ جیت جائے گی۔
بھارت کے معروف کرکٹ کپل دیو نے کہا ہے کہ پاکستان نے اگر اچھا سکور کر لیا تو اپنی باؤلنگ کی بدولت بھارت کو قابو کر کے میچ جیت سکتا ہے۔ گزشتہ روز پاک بھارت میچ پر تبصرہ کرتے ہوئے انہو ں نے کہا کہ پاکستان اور بھارت کے درمیان میچ میں ہمیشہ دباؤ ہوتا ہے اور بھارت کو اس میچ میں اچھے بیٹسمین دستیاب ہیں لیکن محمد عامر اگر اچھی باؤلنگ کرے گا تو روہت شرما کو یقینی طور پر آؤٹ بھی کرے گا۔ انہوں نے کہا کہ ماضی میں جانے کی ضرورت نہیں ہے بلکہ پوری توجہ میچ پر ہونی چاہیئے۔
