دبئی( آن لائن )قومی کرکٹ ٹیم کی فزیوتھراپسٹ کلف ڈیکن نے قومی کرکٹرزکوسبزرنگ کے رسٹ بینڈکاتحفہ دے دیا جس پر چیمپئن شپ مائنڈ سیٹ کے الفاظ درج ہیں۔میڈیا رپورٹس کے مطابق فزیوتھراپسٹ کلف ڈیکن کی جانب سے دیئے گئے تحفے پر تاثرات دیتے ہوئے قومی فاسٹ بالر حسن علی کا کہنا تھا کہ کلف ڈیکن یہ بینڈخصوصی طورپرجنوبی افریقہ
سے بنواکرلائے ہیں،بینڈ یاد دہانی کراتا ہے کہ ہم چیمپئن ہیں۔شان مسعود بولے برے وقت میں خود کو حوصلہ دینے کے لئے یہ ہمارا کوڈ ہے۔ کپتان سرفراز احمد کا کہنا تھا کہ ہمیں یہ تحفہ ٹریننگ کے دوران دیا گیا۔واضح رہے کہ قومی کرکٹ ٹیم کے فزیوتھراپسٹ کلف ڈیکن کا تحفہ قومی کرکٹرز چیمپئن شپ مائنڈسیٹ بینڈپہن کرایشیاکپ میں شرکت کریں گے۔
