لندن(سپورٹس ڈیسک) انگلش فاسٹ بولر جیمز اینڈرسن نے واضح کیا کہ ان کا فی الحال ریٹائرمنٹ کا کوئی ارادہ نہیں ہے۔36سالہ اینڈرسن نے بھارت سے سیریز کے آخری ٹیسٹ میں 564ویں وکٹ لے کر آسٹریلوی گلن میک گرا کا کامیاب ترین ٹیسٹ بولر کا ریکارڈ توڑا۔ انھوں نے کہاکہ

میری توجہ اپنے ذاتی ریکارڈ کے بجائے اوول ٹیسٹ میں ٹیم کو کامیابی دلانے پر مرکوز تھی، جب میں ریٹائر ہوجاؤں گا تب ہی یہ دیکھوں گاکہ کیریئر میں کیا حاصل کیا، مگر فی الحال مجھ میں تمام توانائیاں پہلے کی طرح برقرار اور میں کھیلنے کا سلسلہ جاری رکھنا چاہتا ہوں۔