اسلام آباد (سٹاف رپورٹر) ڈیم فنڈز میں رقم کا زیادہ حصہ پاکستان سے جمع ہوا، پاکستانیوں نے کل فنڈز میں ایک ارب 93کروڑ روپے جمع کرائے، بیرون ملک سے فنڈز میں صرف ایک فیصد رقم بھیجی گئی۔سپریم کورٹ میں سٹیٹ بینک کی جانب سے ڈیم فنڈز کی رپورٹ جمع کرا دی گئی۔رپورٹ کے مطابق سپریم کورٹ ڈیم فنڈز میں ایک ارب 93کروڑ روپے جمع ہو گئے، رقم کا زیادہ حصہ پاکستان سے جمع ہوا، پاکستانیوں نے کل فنڈز میں ایک ارب 93کروڑ جمع کروائے، پاکستان میں صرف ایس ایم ایس سروس

سے 5کروڑ 75لاکھ روپے اکٹھے ہوئے، بیرون ملک سے حاصل ہونے والا فنڈ نہ ہونے کے برابر ہے، بیرون ملک سے فنڈ میں صرف ایک فیصد رقم بھیجی گئی ہے، بیرون ملک سے صرف 2کروڑ 15لاکھ روپے بھیجے گئے، سب سے زیادہ فنڈ امریکہ سے 57لاکھ روپے بھجوائے گئے، ڈیم فنڈز میں امریکہ پہلے، برطانیہ دوسرے اور متحدہ عرب امارات تیسرے نمبر پر رہا۔ادھر سپیکر قومی اسمبلی اسد قیصر نے اپنی پہلی تنخواہ وزیراعظم اور چیف جسٹس ڈیم فند میں عطیہ کر نے کا اعلان کردیا ہے۔