لاہور(آئی این پی ) وزیراعلی پنجاب سردارعثمان بزدارنے کہا ہے کہ صوبے کے پسماندہ علاقوں کی ترقی کواولین ترجیح دیں گے، عوام کو وزیراعظم عمران خان سے جوامید یں ہیں اسے پوراکریں گے،100روزہ ایجنڈے کے لئے اقدامات پرپیشرفت کی باقاعدگی سے مانیٹرنگ ہوگی ۔ تفصیلات کے مطابق وزیراعلی پنجاب سردار عثمان بزدار سے رکن قومی اسمبلی غلام بی بی بھروانہ کی ملاقات کی۔اس موقع پرسردار عثمان بزدار نے کہا پسماندہ علاقوں

کی ترقی کواولین ترجیح دیں گے اور وسائل پرعوام کا حق ہے جس کے لیے آخری حد تک جائیں گے۔وزیراعلی پنجاب نے کہا کہ عوام کووزیراعظم عمران خان سے جو امیدیں ہیں اس پرپورا اتریں گے، حکومت کا مقصد نئے پاکستان اورتبدیلی کوعملی شکل دینا ہے۔سردار عثمان بزدار نے کہا کہ 100 روزہ ایجنڈے پرعملدرآمد کے لیے تیزی سے کام کررہے ہیں، ایجنڈے کے تحت کیے گئے اقدامات پر پیشرفت کی باقاعدگی سے مانیٹرنگ ہوگی۔