اسلام آباد (آئی این پی ) ا سپیکر قومی اسمبلی اسد قیصر نے اپنی پہلی تنخواہ وزیراعظم اور چیف جسٹس ڈیم فند میں عطیہ کر نے کا اعلان کرتے ہوئے کہا ہے کہ تمام پاکستانی اپنے بچوں کے مستقبل کو بچانے کے لیے اس کار خیر میں بڑھ چڑھ کا حصہ لیں۔ اتوار کو سماجی رابطے کی ویب سائٹ ٹوئتر پر اپنے پیغام میں ا سپیکر قومی اسمبلی اسد قیصر نے کہا میں اپنی پہلی تنخواہ وزیراعظم اور چیف جسٹس ڈیم فند میں
عطیہ کر رہا ہوں ،اس موقع پر میں تمام پاکستانیوں سے اپیل کرتا ہوں کہ وہ اپنے بچوں کے مستقبل کو بچانے کے لیے اس کار خیر میں بڑھ چڑھ کا حصہ لیں۔پانی اللہ تعالی کی طرف سے عطا کردہ ایک عظیم نعمت ہے من حیث القوم ہمیں اس نعمت کے ذخیر ے کے لیے اقدامات کرنا ہونگے، اسپیکر قومی اسمبلی نے کہا پانی انسانی زندگی کی بنیادی ضرورت ہے ہمیں اس کی اہمیت کی قدر کرنی چاہیے۔
