اسلام آباد(مانیٹرنگ ڈیسک)محنت کبھی رائیگاں نہیں جاتی۔ایسا ہی کچھ پشاور سے تعلق رکھنے والے ایک پاکستانی نوجوان نے کر دکھایاہے ۔تفصیلات کے مطابق اس باہمت نوجوان کا نام محمد عاقل ہے جو کہ سڑکو ں پر پھیری لگا کر اپنا گزر بسر کرتاتھالیکن محنت نے اس کے پڑھنے کا جذبہ کم نہیں ہونے دیا بلکہ اسے مزید مضبوط کیا ، محمد عاقل نے کم وسائل میں
تعلیم کو نہیں چھوڑا بلکہ مالی مشکلات کے باوجود وہ پشاور کی انجینئرنگ یونیورسٹی میں داخلہ لینے میں کامیاب ہو گیا ۔سینئر صحافی حامد میرنے جب اس نوجوان کا کارنامہ دیکھا تو وہ بھی خاموش نہ رہے۔انہو ں نے ٹویٹر پر یہ ٹویٹ شیئر کرتے ہوئے اسے نام سے مخاطب کرتے ہوئے شاباش دی ۔بے شک انسان جو کرتا ہے اس کا پھل اسے ضرور ملتا ہے۔
