اسلام آباد (نیوز ڈیسک) وزیراعظم عمران خان اور فرانسیسی صدر کے درمیان ٹیلیفونک رابطہ13ستمبر کو ہو گا، دونوں رہنما خطے کی صورتحال پر تبادلہ خیال کریں گے۔ ہفتہ کو نجی ٹی وی کے مطابق وزیراعظم عمران خان اور فرانسیسی صدر کے درمیان ٹیلیفونک رابطہ13ستمبر کو ہو گا،فرانسیسی صدر عمران خان کو وزیراعظم کا منصب سنبھالنے پر مبارکباد دیں گے،

دونوں رہنما خطے کی صورتحال پر تبادلہ خیال کریں گے۔ واضح رہے کہ حکومت سنبھالنے کے بعد وزیراعظم عمران خان نے سینئر صحافیوں کیساتھ ایک میٹنگ رکھی تھی جس کے دوران دو مرتبہ فرانسیسی صدر کی کال آئی جس پر عمران خان نے دونوں مرتبہ فرانسیسی صدر کی کال سننے سے انکار کرتے ہوئے کہا تھا کہ انہیں کہیں کہ میں میٹنگ میں مصروف ہوں بعد میں کال کریں۔