اسلام آباد(مانیٹرنگ ڈیسک) سپریم کورٹ کی جانب سے جعلی اکائونٹس کیس میں جےآئی ٹی تشکیل دینے کا حکم نامہ جاری ہونے کے بعد جے آئی ٹی ممبران کی نامزدگی بھی کر دی گئی ہے ۔ جے آئی ٹی میں آئی ایس آئی، کمشنر کارپوریٹ آفس، ایف آئی اے، نیب، ایس ای سی پی اور ایف بی آر کے افسران شامل ہیں۔ نجی ٹی وی رپورٹ کے مطابق جے آئی میں کمشنرکارپوریٹ ٹیکس آفس
عمران لطیف منہاس ، ایف آئی اے کے ایڈیشنل ڈائریکٹرجنرل احسن صادق،ڈائریکٹرنیب نعمان اسلم،ایس ای سی پی کے ڈائریکٹرمحمدافضل،آئی ایس آئی کے بریگیڈیرشاہد پرویزاور ایف بی آر کے ٹیکس کمشنر عمران لطیف جے آئی ٹی میں شامل ہیںسپریم کورٹ کی جانب سے جاری کئے گئے حکم نامے کے مطابق جے آئی ٹی کوایف آئی اےایکٹ، اینٹی کرپشن قوانین کے تحت اختیارات حاصل ہوں گے،جے آئی ٹی کوضابطہ فوجدرای،نیب آرڈیننس کے تحت اختیارات حاصل ہونگے،جے آئی ٹی اپنی سہولت کے مطابق سیکرٹریٹ تشکیل دےگی،جے آئی ٹی کاکوئی رکن،نہ ہی ایف آئی اے تحقیقات سے متعلق پریس ریلیزیااطلاع جاری کریگا،جے آئی ٹی15 روزبعدپیش رفت رپورٹ سپریم کورٹ میں جمع کرائےگی۔سپریم کورٹ نے رینجرزکوجے آئی ٹی ارکان کوسیکیورٹی فراہم کرنےکاحکم جاری کرتے ہوئے کہاکہ جے آئی ٹی کے تمام افسران کی سکیورٹی کو سخت کر دیں ،سکیورٹی فراہم کرنے کا مقصد تحقیقات کو شفاف اور موثر بنانا ہے،ملک کے تمام انتظامی ادارے جے آئی ٹی کی معاونت کے پابندہوں گے۔واضح رہے کہ جعلی اکائونٹس کیس میں جعلی اکائونٹ کے ذریعے اربوں روپے کی منی لانڈرنگ کا انکشاف سامنے آیا ہے جس میں سابق صدر آصف زرداری، ان کی ہمشیرہ فریال تالپور اور زرداری کے دوست اومنی گروپ کے مالک انور مجید اور ان کے بیٹے عبدالغنی مجید سمیت حسین لوائی و دیگر شامل ہیں جن میں سے آصف زرداری اور فریال تالپور ضمانت پر ہیں جبکہ باقی افراد گرفتار کئے جا چکے ہیں۔
