تحریک انصاف حکومت نے اسلام آباد میں وزیراعلیٰ پنجاب کی رہائش پنجاب ہاؤس کے بھی پرآسائش اندرونی مناظر کی ویڈیو جاری کر دی اور اسے عوام کیلئے کھول دینے کا اعلان کر دیا، دیکھئے بھوک، ننگ اور افلاس کے مارے غریب ملک کے سب سے بڑے صوبے کے وزیراعلیٰ کا عالی شان محل اسلام آباد (مانیٹرنگ ڈیسک) تحریک انصاف کی حکومت نے پنجاب ہاؤس کو بھی عوام کے لیے کھول دینے کا اعلان کر دیا، سماجی رابطے کی ویب سائٹ ٹوئٹر پر امیر عباس نے پنجاب ہاؤس کی ویڈیو جاری کی ہے اور
اس کے نیچے اپنے پیغام میں لکھا ہے کہ یہاں لوگ غرب اور بیماریوں سے خون تھوکتے ہیں، ننگ اور افلاس ملک کی اکثریت کا لباس ہو، 15 لاکھ سے زائد بچے بڑے شہروں میں بھکاری ہوں، تین کروڑ سے زائد جھونپڑیوں، کچے گھروں کے مکین یا بے گھر ہوں اور وہاں کے حکمران عظیم الشان محلات میں مست، دیکھیں پنجاب ہاؤس کے اندرونی مناظر پہلی بار۔ اس ویڈیو میں کہا گیا ہے کہ اگر ملک کا وزیراعظم ایک پرتعیش محل میں رہتا ہو تو وہاں کے صوبائی سربراہ بھی مغل شہنشاہوں جیسا رہن سہن ہی اپناتے ہیں، اسلام آباد میں پنجاب جیسی پرتعیش رہائش گاہ کا سالانہ خرچ کروڑوں روپے کا خرچا ہے۔ ایک طرف ملک کا سب سے بڑا صوبہ صحت، تعلیم اور پانی کی کمی جیسے مسائل میں گھرا ہوا ہے تو دوسری جانب اسی صوبے کا وزیراعلیٰ عوام کا پیسہ ذاتی آرام اور آسائش پر خرچ کر دیتا ہے، وزیراعظم ہاؤس کی طرح اب پنجاب ہاؤس اور ملک بھر میں قائم دوسری شاہانہ سرکاری عمارات کو بھی عوامی مفادات کے لیے کھول دیا جائے گا۔ آپ پنجاب ہاؤس کے اندرونی حصوں کی تصاویر دیکھ کر دنگ رہ جائیں گے۔
یہاں لوگ غربت اور بیماریوں سے خون تھوکتے ہیں، ننگ اور افلاس ملک کی اکثریت کا لباس ہو، 15 لاکھ سے زائد بچے بڑے شہروں میں بھکاری ہوں، تین کروڑ سے زائد جھونپڑیوں، کچے گھروں کے مکین یا بے گھر ہوں اور وہاں کے حکمران عظیم الشان محلات میں مست، دیکھیں پنجاب ہاؤس کے اندرونی مناظر پہلی بار pic.twitter.com/G5Rse6vElg
— Ameer Abbas (@ameerabbas84) September 6, 2018
