کولمبو(سپورٹس ڈیسک)سری لنکا نے ایشیا کپ کے لیے16رکنی ٹیم کا اعلان کردیا جس میں تجربہ کار باولر لاسیتھ ملینگا کی ایک سال بعد ٹیم میں واپسی ہوئی ہے۔تجربہ کار باولر ملینگا نے آخری مرتبہ سری لنکا کی نمائندگی گزشتہ سال ستمبر میں بھارت کے خلاف کولمبو کے میدان میں کی تھی جس کے بعد وہ انجری کا شکار ہوئے تھے۔سری لنکا کرکٹ بورڈ کے عہدیدران کا کہنا تھا۔
ملینگا نے ڈومیسٹک ٹی ٹوئنٹی سیریز میں سلیکٹرز کو اپنی کارکردگی سے متاثر کیا جس کے بعد انھیں ایشیا کپ کے لیے ٹیم میں شامل کیا گیا ہے۔ملینگا نے سری لنکا کی جانب سے جولائی2004میں اپنے کریئر کا آغاز کیا تھا اب تک301وکٹیں حاصل کر رکھی ہیں جبکہ ٹی ٹوئنٹی طرز میں90وکٹیں حاصل کیں۔ایشیا کپ کے لیے سری لنکا کی ٹیم ان کھلاڑیوں پر مشتمل ہوگی جن میں اینجلیو میتھیوز (کپتان)، کوسل پریرا، کوسل مینڈس، اپل تھرنگا، دنیش چندی مل، دانوشکا گوناتھلیکا، تھیسارا پریرا، داسن شناکا، دھناجایا ڈی سلوا، اکیلا دانانجایا، دلروان پریرا، آمیلا آپونسو، کوسن راجیتھا، سرنگا لکمل، دشمنتھا چمیرا، لاسیتھ ملینگا۔متحدہ عرب امارات میں میں ہونے والے 14ویں ایشیا کپ کا آغاز 15 ستمبر کو گروپ بی کی ٹیموں بنگلہ دیش اور سری لنکا کے درمیان میچ سے ہوگا۔گروپ اے میں شامل پاکستان اور بھارت کے درمیان میچ 19 ستمبر کو دبئی انٹرنیشنل کرکٹ اسٹیڈیم میں کھیلا جائے گا اس سے قبل پاکستان 16 ستمبر کو گروپ کی تیسری ٹیم سے مدمقابل ہوگا جو کوالیفائیر ہوگی۔ایشیا کپ کے لیے گروپ اے میں بنگلہ دیش، سری لنکا اور افغانستان شامل ہے، سری لنکا کی ٹیم اپنا دوسرا میچ 17 ستمبر کو افغانستان کے خلاف کھیلے گی۔
