ولنگٹن (نیوز ڈیسک)نیوزی لینڈ کی ویمن کرکٹ ٹیم آئندہ ماہ بھارت کا دورہ کرے گی۔ نیوزی لینڈ کی ٹیم دورے کے دوران میزبان ٹیم کے خلاف پانچ ون ڈے اور تین ٹی ٹونٹی میچوں کی سیریز کھیلے گی۔ دونوں ٹیموں کے درمیان ون ڈے سیریز کے تمام میچز ایم چناسوامی سٹیڈیم ¾ ٹی ٹونٹی سیریز کے میچز کرناٹکا میں کھیلے جائیں گے۔ بھارتی کرکٹ بورڈ کی طرف سے جاری کردہ بیان کے مطابق نیوزی لینڈ کی ویمن ٹیم وارم اپ میچ سے دورے کا آغاز کرے گی، دونوں ٹیموں کے درمیان ون ڈے سیریز کا پہلا میچ 28 جون، دوسرا میچ یکم جولائی، تیسرا میچ 3 جولائی، چوتھا میچ 6 جولائی جبکہ پانچواں اور آخری میچ 8 جولائی کو کھیلا جائے گا۔ اس کے بعد دونوں ٹیموں کے درمیان ٹی ٹونٹی سیریز کا پہلا میچ 11 جولائی، دوسرا میچ 13 جولائی جبکہ تیسرا اور آخری میچ 15 جولائی کو کھیلا جائے گا۔