اسلام آباد (این این آئی)وفاقی وزیر خزانہ و اقتصادی امور اسد عمر نے کہا ہے کہ نوٹوں کی تبدیلی بارے سوشل میڈیا پر چلنے والی خبروں میں کوئی صداقت نہیں ، ہمارا مقابلہ اس وقت اپوزیشن سے نہیں، غربت سے ہے ۔پیر کو پارلیمنٹ ہاؤس کے باہر میڈیا سے گفتگو کرتے ہوئے وفاقی وزیر خزانہ اسد عمر نے کہا کہ نوٹوں کی تبدیلی کے حوالے سے اس وقت کوئی تجویز زیر غور نہیں ہے ۔انہوں نے کہا کہ

سوشل میڈیا پر 5000، 1000اور 500کے نوٹوں کی تبدیلی کی میرے نام سے منسوب خبریں بے بنیاد ہیں ان میں کوئی صداقت نہیں ہے۔انہوں نے کہا کہ اس وقت ہمارا مقابلہ اپوزیشن سے نہیں بلکہ غربت سے ہے اور ہم اس کے خاتمے کیلئے کام کررہے ہیں ۔ انہوں نے کہا کہ پاکستان کو غیر ملکی زرمبادلہ کا بڑا مسئلہ لاحق ہے، ہماری کوشش ہے کہ اس مسئلے کا اچھے طریقہ سے حل نکالیں۔