اسلام آباد (مانیٹرنگ ڈیسک) ڈپٹی سپیکر قومی اسمبلی قاسم سوری اور تحریک انصاف کے صدر کے لیے نامزد امیدوار عارف علوی نے عمران خان کے تبدیلی کے نعرے پر عمل کرتے ہوئے ائیرپورٹ پر بغیر پروٹوکول لائن میں کھڑے ہو گئے۔ ایک نجی ٹی وی چینل کی رپورٹ کے مطابق تحریک انصاف کی جانب سے صدر کے لیے نامزد امیدوار عارف علوی اسلام آباد ہائیکورٹ میں کاغذات نامزدگی جمع

کرانے کے بعد کراچی کے لیے روانہ ہوئے تو قومی اسمبلی کے ڈپٹی سپیکر قاسم سوری بھی ان کے ساتھ تھے، دونوں رہنماؤں کی پی آئی اے کی پرواز پی کے 369 سے سیٹیں بک تھیں، دونوں رہنما اسلام آباد ائیرپورٹ پر بغیر پروٹوکول کے بورڈنگ پاس کے لیے لائن میں لگ گئے، اس موقع پر لوگوں نے حیرانگی کا اظہار بھی کیا اور تحریک انصاف کے ان دو رہنماؤں کے ساتھ سیلفیاں بھی لیں۔

موضوعات:قاسم سوری اور عارف علوی