رحیم یار خان (آئی این پی)شادی کے خواہش مند نوجوان کووڈیروں کے گھر رشتہ مانگنے جانا مہنگا پڑ گیا، وڈیروں نے نوجوان کو الٹا لکٹا پر سر عام تشدد کا نشانہ بناتے رہے،نوجوان کی ہڈیاں ٹوٹنے پر رتھانہ رکن پور حوالات میں بند کروادیا،پولیس نے تھانے کا گیٹ بند کر نوجوان کے ورثا کو ملنے سے روک دیا نوجوان کو الٹا لٹکا کر تشدد کی ویڈیو منظر عام آنے پر ایس ایچ او کی کلا بازیاں فوری طور پر متاثرہ نوجوان کا میڈیکل کروانے کیلئے ہسپتال منتقل کر دیا

جبکہ وڈیروں کا متاثرہ نوجوان کے ورثا کو کارروائی کروانے پر سنگین نتایج کی دھمکیاں۔تفصیلات کے مطابق گزشتہ روزموضع ہیران ہیڈ حاجی پور کا رہاشی نوجوان بانگل خان چانڈیہ ولد یوسف چانڈیہ بستی ماچھی چانڈیہ میں وڈیرے حضور بخش ،حفیظ ، نیاز ،اسماعیل ملک، ریاض ملک کے گھر اپنے لیے رشتہ مانگنے گیا تھا جس پر وڈیروں نے غصہ کا اظہار کرتے ہوئے مبینہ طور پر نوجوان بنگل خان چانڈیہ کو سرعام الٹا لٹکا کر حفیظ ،اسماعیل ملک، ریاض ملک، حضور بخش ، نیاز ، اخلاق ملک، ظہور ملک، جلیل ملک اور20 نامعلوم افراد ڈنڈوں سوٹوں سے سر راہ تشدد کا نشانہ بناتے رہے ، رات بھر الٹا لکٹانے اور تشدد کرنے کے بعد جب بانگل خان چانڈیہ کی ہڈیاں ٹوٹ گئی تو وڈیروں نے غیر قانونی طور پر تھانہ رکن پور حوالات منتقل کر دیا جب بنگل خان چانڈیہ کے ورثا کو معلوم ہوا تو تھانہ جانے پر ایس ایچ او نے گیٹ بند کر دیا اور ورثا کو وڈیروں سے معافی کا مشورہ دیتا رہا،بعد ازاں تشدد کی ویڈیو منظر عام آنے پر ایس ایچ او یاسین نے میڈیا کو موقف دیا کہ متاثرہ نوجوان کا میڈیکل کروانے کیلئے ہسپتال منتقل کر دیا ہے کہ پولیس کا اس مسلے میں کسی قسم کا کوئی تعاون نہ ہے ملزمان کیخلاف میرٹ پر کارروائی عمل میں لائی جائے گئی ۔دوسری طرف بانگل خان چانڈیہ کے ورثا کا ڈی پی او اطہر وحید سے انصاف مہیا کرنے کا مطالبہ کیا ہے۔