لندن (انٹرنیشنل ڈیسک)برطانیہ کی عدالت نے توہین عدالت کا الزام ثابت ہوجانے پر ایک سعودی سرمایہ کار کو ایک سال قید کی سزا سنادی۔ برطانوی میڈیا کے مطابق توہین عدالت مرتکب سعودی شہری پر کویتی کمپنی نے لاکھوں ڈالر کا مطالبہ کیا تھا ٗ برطانوی عدالت نے سعودی سرمایہ کار کو عدالت میں پیش ہوکر اپنا موقف واضح کرنے کی ہدایت دی تھی۔ سعودی سرمایہ کار مقررہ تاریخ پر

عدالت نہیں پہنچا۔ عدالت نے سعودی سرمایہ کار کے خلاف فیصلہ جاری کردیا کہ وہ اپنے کویتی حریفوں کو 500 ملین ڈالر ادا کرے۔سعودی سرمایہ کار نے برطانوی عدالت اور اس کے فیصلے کو پس پشت ڈال کر کویتی حریفوں کے خلاف ریاض کی ایک عدالت سے رجوع کرلیا تھا۔ دوسری جانب سعودی شہری کے وکیل نے دعویٰ کیا ہے کہ سعودی عدالت کے فیصلے پر ہی اس کا موکل جیل جائے گا۔