اسلام آباد (مانیٹرنگ ڈیسک) عمران خان کے قریبی دوست زلفی بخاری کا نام ای سی ایل میں ڈال دیا گیا ۔ نجی ٹی وی رپورٹ چیئرمین پی ٹی آئی عمران خان کے قریبی دوست زلفی بخاری کا نام ای سی ایل میں ڈال دیا گیاہے ۔زلفی بخاری کا نام نیب کی درخواست پر وزارت داخلہ نے ای سی ایل میں ڈالا ہے جس کی منظوری ای سی ایل کے حوالے سے فیصلہ کرنے والی کابینہ کمیٹی نے کی تھی۔ واضح رہے کہ نیب راولپنڈی زلفی بخاری سے آف شور کمپنیوں سے متعلق تحقیقات کر رہی ہے۔
اس سے قبل اسلام آباد ہائیکورٹ نے اپنے فیصلے میں حکم دیا تھا کہ زلفی بخاری کا نام بلیک لسٹ سے نکالا جائے اور ان پر لگائی گئی سفری پابندیاں بھی ختم کی جائیں، یہ حکم اس وقت جاری کیا گیا تھا جب 2 جون کو زلفی بخاری عمران خان کے ہمراہ عمرہ کی ادائیگی کیلئے سعودی عرب جارہے تھے جہاں امیگریشن حکام نے ان کا نام بلیک لسٹ میں ہونے کے باعث انہیں بیرون ملک سفر کرنے سے روک دیا تھا تاہم کچھ دیر بعد ہی ان کا نام بلیک لسٹ سے نکال دیا گیا تھا۔
