اسلام آباد (مانیٹرنگ ڈیسک )غیر حتمی غیر سرکاری نتائج کے مطابق  پاکستان تحریک انصاف کے رہنما شفقت محمود نے قومی اسمبلی کے حلقہ این اے 131 سے ن لیگی رہنما خواجہ احمد حسان کو شکست سے دوچار کر دیا ۔ شفقت محمود نے مجموعی طور پر 1 لاکھ 27 ہزار 405 ووٹ حاصل کیے جبکہ ن لیگی رہنما 1 لاکھ 4ہزار 625 ووٹوں کے ساتھ دوسرے نمبر پر رہے ۔ادھرسابق وزیر اعظم یوسف رضا گیلانی اور ان کے بیٹے علیٰ موسیٰ گیلانی بھی ہار گئے ۔

شجاع آباد کے قومی اسمبلی کے حلقے158کے غیرحتمی غیرسرکاری نتائج کے مطابق تحریک انصاف کے ابراہیم خان 83 ہزار 297 ووٹ لےکرکامیاب ہو گئے ہیں۔ جبکہ ان کے مخالف پیپلزپارٹی کے امیدوار اور سابق وزیرعظم یوسف رضاگیلانی 73 ہزار 985 ووٹ حاصل کرسکے۔نجی ٹی وی کے مطابق این اے 157 ملتان 4 میں تحریک انصاف کے امیدوارزین قریشی کامیاب ہوگئے جب کہ ان کے مخالف امیدوار علیٰ موسیٰ گیلانی کو شکست کا سامنا کرنا پڑا۔