مردان (نیوز ڈیسک) 25 جولائی 2018ء کو پاکستان میں عام انتخابات ہو رہے ہیں، تحریک انصاف کے چیئرمین عمران خان کو سابق کرکٹر کی اکثریت سپورٹ کر رہی ہے اور وہ دوسرے لوگوں کو بھی عمران خان کی حمایت کے لیے کہہ رہے ہیں، ایسے میں پاکستان کے سابق کرکٹر یونس خان کا ایک وڈیو بیان سامنے آیا ہے جس میں انہوں نے متحدہ مجلس عمل کی حمایت کا اعلان کیا ہے، اپنے پیغام میں انہوں نے کہا کہ میں یونس خان آپ سب سے یہ شیئر کرنے جا رہا ہوں میرے

لیگل ایڈوائزرمحمد علیم خان غوری انتخابی نشان کتاب این اے 239 قومی اسمبلی کے لیے آئندہ انتخابات میں حصہ لے رہے ہیں، غوری صاحب ایک ایماندار اور تعلیم یافتہ شخص ہیں اس موقع پر یونس خان نے محمد علیم خان غوری کو مخاطب کرتے ہوئے کہا کہ میں امید کرتا ہوں کہ جب آپ فتح یاب ہو کر آئیں گے تو آپ کی وجہ سے ملیر، ماڈل کالونی، رفاع عام سوسائٹی،گرین گولڈن اور شاہ فیصل کالونی چینج ہوں گے، انشاء اللہ، میری تمام نیک خواہشات آپ کے ساتھ ہیں، شکریہ۔