اسلام آباد (آئی این پی) پاکستان مسلم لیگ (ن) کے رہنما و سینیٹر لیفٹیننٹ جنرل (ر) عبدالقیوم نے کہا ہے کہ پنجاب حکومت اپنی غیر جانبداری ترک کے پاکستان تحریک انصاف کی بی ٹیم بن گئی ہے جس کی وجہ سے الیکشن میں شفافیت پر سوال اٹھ رہے ہیں، لوگوں کا الیکشن پر اعتماد بحال کرنے کیلئے نگران حکومت فی الفور مستعفی ہو تا کہ ملک میں غیر جانبدار اور شفاف الیکشن ہو سکے۔ ان خیالات کا اظہار انہوں ن ے ہفہت کو پارلیمنٹ کے باہر
میڈیا سے گفتگو کرتے ہوئے کیا۔ انہوں ن ے کہا کہ میاں نواز شریف کے استقبالی ریلی میں موجود 16ہزار لوگوں پر مقدمات درج کرائے جن میں سینیٹ میں لیڈر آف دی ہاؤس اور قومی اسمبلی کے سپیکر بھی شامل تھے۔ انہوں نے کہا کہ نگران وزیر اعلیٰ پر مسلم لیگ (ن) نے اعتراض کیا تھا لیکن ہماری مخالفت کے باوجود انہیں وزیر اعلیٰ بنایا گیا۔ انہوں نے کہا کہ مسلم لیگ (ن) نے اپنے اور اقتدار میں 11ہزار میگاواٹ بجلی سسٹم میں شامل کی، آئندہ بھی عوام کے تعاون سے مسلم لیگ حکومت بنائے گی، عمران ہو یا آصف زرداری یا میاں نواز شریف قانون کی نگاہ میں سب برابر ہیں۔ انہوں نے کہا کہ آئندہ وزیراعظم وہی ہو گا جسے عوام منتخب کریں گے، مسلم لیگ الیکشن میں کارکردگی کی بنیاد پر ووٹ لے گی، مسلم لیگ (ن) نے اپنے دور میں کئی بحرانوں پر قابو پایا جن میں بجلی کی لوڈشیڈنگ، دہشت گردی، سی پیک کے منصوبے کا آغاز کر کے دنیا کو حیران کر دیا۔ ایک سوال کے جواب میں انہوں نے کہا کہ کسی ایک جانب کی جانبداری کے نتائج ملک و قوم کیلئے خطرناک ہوں گے، اگر کسی کی پگڑی اچھالی جا رہی ہے ، ان کو بھی تیار رہنا چاہیے، ایسے حادثات کیلئے ۔ ایک سوال کے جواب میں جنرل(ر) عبدالقیوم نے کہا کہ نیشنل ایکشن پلان کے بعد ایسی تنظیموں کی ملک میں کوئی گنجائش نہیں۔)
