ممبئی(مانیٹرنگ ڈیسک)بھارتی کرکٹر پروندر آوانا نے فرسٹ کلاس اور انٹرنیشنل کرکٹ سے ریٹائرمنٹ کا اعلان کر دیا۔ 31 سالہ فاسٹ باؤلر نے 2012 میں انگلینڈ کے خلاف ٹی ٹونٹی میچ میں انٹرنیشنل کیریئر کا آغاز کیا تاہم وہ صرف دو میچز میں ہی ملک کی نمائندگی کر سکے اس کے بعد وہ دوبارہ ٹیم میں جگہ بنانے میں ناکام رہے۔گزشتہ
روزسماجی رابطوں کی ویب سائٹ ٹویٹر پر اپنے پیغام میں پروندر نے کہا کہ میں نے فرسٹ کلاس اور انٹرنیشنل کرکٹ سے ریٹائرمنٹ لے لی ہے، کیریئر کے دوران فرسٹ کلاس کرکٹ سے بہت لطف اندوز ہوا، انٹرنیشنل میچز میں بھی ملک کی نمائندگی کا موقع ملنے پر خود کو خوش قسمت سمجھتا ہوں اور میں ان لمحات کو ہمیشہ یاد رکھوں گا۔
