ہرارے(مانیٹرنگ ڈیسک)پاکستان اور زمبابوے کے درمیان دوسرا ون ڈے (آج) پیر کو بولاوائیو میں کھیلا جائے گا ، پانچ میچز کی سیریز میں گرین شرٹس کو ایک صفر کی برتری حاصل ہے۔پاکستان کرکٹ ٹیم نے زمبابوے کو پہلے ون ڈے میں آؤٹ کلاس کر کے201 رنز سے فتح حاصل کی تھی جس کے بعد سرفراز احمد اینڈ کمپنی نے سیریز میں کلین سوئپ کرنے کے خواب دیکھنے
شروع کر دیئے ہیں۔اب پانچ ون ڈے میچز کی سیریز کا دوسرا مقابلہ (آج) پیر کو بولاوئیو میں کھیلا جائے گا، پاکستان ٹیم نے اس میچ کیلئے بھی بھرپور پریکٹس کر رکھی ہے۔سرفراز احمد نے کہا ہے کہ ٹیم اچھے مومینٹم میں ہے، ون ڈے سیریز جیت کر ہی وطن واپس آئیں گے۔واضح رہے کہ پاکستان اور زمبابوے کے درمیان دوسرا ایک روزہ میچ، (آج) دوپہر سوا 12 بجے شروع ہوگا ۔
