ڈھاکہ (نیوز ڈیسک)چیئرمین پی سی بی شہر یار خان نے ایک بار پھر وقار یونس کی معطلی کے حوالے سے خبروں کو مسترد کرتے ہوئے واضح کیا ہے کہ کسی کو معطل کرنے ڈھاکہ نہیں آئے اور نہ ہی کسی کو معطل کرینگے ¾بنگلہ دیش کے خلاف سیریز ختم ہونے کے بعد شکست کی وجوہات کا جائزہ لیں گے۔
میڈیا سے بات چیت کے دور ان وقار یونس کو کوچ کے عہدے سے ہٹائے جانے کے سوال پر شہر یار خان نے واضح کیا کہ کسی کو معطل کر نے ڈھاکہ نہیں آیاہوں اور نہ ہی کسی کو فوری طورپر معطل کیا جائےگا انہوںنے کہاکہ اپنے فیصلوں میں تسلسل چاہتا ہوں،پاکستان ٹیم کو سپورٹ کرنے آیا ہوں، بنگلہ دیش کے خلاف سیریز ختم ہونے کے شکست کی وجوہات کا جائزہ لوں گانتائج مایوس ضرور ہیں تاہم ہمیں یہ بھی تسلیم کر نا ہوگا کہ بنگلہ دیشی ٹیم اب آسان ٹیم نہیں رہی –