ہرارے (مانیٹرنگ ڈیسک)قومی کرکٹ ٹیم کے کپتان سرفراز احمد نے سہ فریقی ٹی ٹونٹی انٹرنیشنل سیریز کے فائنل میں جیت پر خوشی کا اظہار کرتے ہوئے کہا ہے کہ سہ فریقی ٹی ٹونٹی انٹرنیشنل سیریز میں کامیابی جتماعی کوششوں کا نتیجہ ہے ٗ فخر زمان کی کار کر دگی قابل تعریف ہے ٗ امید ہے مستقبل میں بھی عمدہ کارکردگی کے تسلسل کو برقرار رکھنے کوشش کریں گے۔ میڈیا سے بات چیت کرتے ہوئے پاکستانی ٹیم کے کپتان سرفراز احمد نے کہا کہ سہ فریقی ٹی ٹونٹی سیریز

میں کامیابی ٹیم کی اجتماعی کوششوں کا نتیجہ ہے۔ انہوں نے کہا کہ باؤلرز نے عمدہ باؤلنگ کا مظاہرہ کر کے کینگروز کو بڑا مجموعہ ترتیب دینے سے روکا اس کے بعد فخر زمان نے دلیرانہ بیٹنگ کر کے ٹیم کو فتح دلائی، ہمارے کھلاڑیوں نے چند کیچز ڈراپ کئے اسلئے فیلڈنگ کے شعبے میں ابھی مزید محنت کی ضرورت ہے ۔انہوں نے کہاکہ امید ہے فخر زمان مستقبل میں بھی عمدہ کارکردگی کے تسلسل کو برقرار رکھتے ہوئے مزید فتوحات حاصل کرنے کی کوشش کریں گے۔