ممبئی(نیوز ڈیسک) بالی ووڈ اداکارہ مادھوری ڈکشت نے کہا ہے کہ ڈانس ان کا جنون ہے اور وہ ہر ایک کو اس جنون کی لذت سے آگاہ کرنا چاہتی ہیں۔ بھارتی خبر رساں ادارے کو انٹرویو دیتے ہوئے مادھوری نے کہا کہ وہ اس وقت انتہائی مصروف ہیں کیونکہ ان کے پاس دو فلمیں ڈیڑھ عشقیہ اور گلوب گینگ کے علاوہ جھلک دکھلا جا پروگرام ہے جس میں وہ ڈانس سکھا رہی ہیں۔ انہوں نے کہا کہ ڈانس ان کا جنون ہے۔ وہ ڈانس سے عشق کرتی ہیں۔ انہوں نے کہا کہ وہ تین سال کی عمر سے ڈانس کر رہی ہیں۔ انہوں نے کہا کہ وہ لوگوں کو یہ بھی بتانا چاہتی ہیں کہ وہ ڈانس کریں اور انجوائے کریں۔