لندن (نیوز ڈیسک)سابق وزیراعظم اور پاکستان مسلم لیگ ن کے قائد نواز شریف نے جلد وطن واپسی کا عندیہ دیتے ہوئے کہا ہے کہ ہم میدان چھوڑ کر بھاگنے والے لوگ نہیں اور پاکستانی سیاست کو کسی اور رخ پر لے جانے والے ناکام ہوں گے۔گزشتہ روز میڈیا سے گفتگو کرتے ہوئے نوازشریف نے کہا کہ ہم میدان چھوڑ کر بھاگنے والے نہیں، جلد اپنے وطن جا کر پاکستان میں اپنی ذمہ داری ادا کرنا چاہتا ہوں۔
انھوں نے کہا کہ پاکستان تاریخ کے اہم اور فیصلہ کن موڑ پر ہے، دنیا کی ساتویں ایٹمی طاقت پاکستان دنیا کے صف اول کے ممالک میں شامل ہو چکا تھا اوردنیا نے بھی پاکستان کی طاقت اور عزت کو مانا۔سابق وزیراعظم نے کہا کہ میرا مشن ملک کی تاریخ کو بدلنے کے لیے اور ترقی کے لیے ہے، میں پاکستان میں اپنی ذمہ داری ادا کرنا چاہتاہوں تاہم انھوں نے وطن واپسی کو اپنی اہلیہ کی صحت یابی سے مشروط قرار دیا۔نواز شریف نے میڈیا سے گفتگو کے دوران کہا کہ ہمارے لوگوں سے کہا گیا ہے کہ آپ پارٹی چھوڑ دیں اور بہت سے لوگوں سے پارٹی بدلوائی بھی گئی ہے جس سے پاکستان میں قبل از انتخابات دھاندلی کا سلسلہ چل پڑا ہے ٗ یہ ایک بہت خطرناک کھیل ہے اور ایسا کرنیوالے ملک سے زیادتی کررہے ہیں۔قائد مسلم لیگ ن نے کہا کہ ہم میدان چھوڑ کر بھاگنے والے لوگ نہیں ہیں بلکہ میدان میں کھڑے ہو کر مقابلہ کرنے والے لوگ ہیں اور دھاندلی کابھرپورمقابلہ کریں گے اس سلسلے میں پارٹی صدرکومیں ہدایت کردی ہے۔ میں پاکستان میں اپنی ذمہ داری ادا کرنا چاہتاہوں تاہم انھوں نے وطن واپسی کو اپنی اہلیہ کی صحت یابی سے مشروط قرار دیا۔نواز شریف نے میڈیا سے گفتگو کے دوران کہا کہ ہمارے لوگوں سے کہا گیا ہے کہ آپ پارٹی چھوڑ دیں اور بہت سے لوگوں سے پارٹی بدلوائی بھی گئی ہے جس سے پاکستان میں قبل از انتخابات دھاندلی کا سلسلہ چل پڑا ہے ٗ یہ ایک بہت خطرناک کھیل ہے اور ایسا کرنیوالے ملک سے زیادتی کررہے ہیں۔انہوںن ے کہاکہ پاکستانی سیاست کو کسی اور رخ پر لے جانے والے ناکام ہوں گے۔
